GOIERRIKO EMAKUMEZKOEN FUTBOLAREN HISTORIA

2006-2007 denboraldian hasi ginen, Goierrin emakumezkoen 11 futbolaren sua
piztu zenean.

         Azken hamarkadetan, goierriko hainbat herri, emakumezkoen futbol taldeak sortzen joan dira. Gogotsu baina zailtasun askorekin ekin zioten bideari, animatzen ziren nesken kopurua urria zelako. Jokalari falta horrek eraginda hainbat gora behera izan zituzten emakumezkoen futbol taldeak osatutako klubek.

         Beasain, Lazkao eta Ordiziako klubetako kideak 2006an hasi ziren zailtasun hauei aurre egiteko lanetan. Hainbat saiakera egin ziren formularik egokiena bilatzeko. Izena ere pentsatu zuten, ORBELA izena Goierriko hiru herri handienen izenekin jolastuz sortu zen.

         Goierri-Gorriko lehen hazia 2013-2014 denboraldian erein zen, Beasain K.E. eta Lazkao K.E. taldeak Euskal Ligako talde sendoa osatzeko elkartu zirenean. Harrezkero urrats txiki asko egin dira.

Lazkao K.E. Jubenila 2012-2013

Beasain K.E. Euskal Liga 2013-14

• 2014-15 denboraldian, AMPOren, Beasain K.E-ren eta Lazkao K.E-ren laguntzarekin, Goierri Taldea sortu zen, bi kluben arteko emakumezkoen futbol egitura osatzeko, elastiko berarekin baina armarri desberdinarekin, Euskal Ligari eusten saiatuz.

• 2016-17 denboraldirako, Goierri Taldearen formulak funtzionatzen ez zuela ikusita, Goierri-Gorri Futbol Kluba sortu zen, Beasain K.E-k eta Lazkao K.E-k sustatua. Urtebete geroago, Ordizia K.E eta Idiazabal K.E sartu ziren proiektuan.

Goierriko neska guztiei aukera emateko sortu zen Goierri-Gorri Futbol Kluba, guztiak elkartuz sortutako nortasun propioa duen goierritar guztien kluba izateko. Klubaren bihotza eta arima irudikatzen dituen armarria eta leloa.

Futbolaren akzio gorenena,  gol-a, irudikatzen du, 18 soka puntek Goierriko 18 herriak irudikatzen dituzte. Hauek osatzen duten sareak eusten duen ilusio eta kolore gorri-more ezberdinez osatutako baloia.

LELOA

BAKARRIK AZKARRAGO, ELKARREKIN URRUTIAGO

Orain arte lortutako emaitza adierazgarri batzuk hauek dira:

• 2017-18 denboraldian infantil mailako Goierri-Gorri B taldea Kopako txapeldunorde ateratzen da eta Goierri-Gorri C taldea ligako txapeldun geratzen da. Naroa Santana eta Izaro Tores Goierri-Gorriko Ohorezko Kadete mailatik, Realak bere bigarren taldea ateratzeko fitxatu ditu.

• 2018-19 denboraldian Euskal Ligak Goierriko historian neska talde batek lortutako posturik onena lortzen du. Ligan 5. postu bat 56 punturekin. Ohorezko Infantilak lehen aldiz parte hartzen du txapelketan eta azpi-txapeldun ateratzen da bai ligan bai kopan. Idiazabalen Goierri-Gorrik Nesken Futbol Eskola ateratzen du aurreneko aldiz (34 jokalarirekin).

• 2019-20 denboraldian gure kluba 301 jokalarik, 40 entrenatzailek eta delegatuk osatzen zuten. Guztira hamabost talde, Futbol Eskolako gazteetatik hasi eta seniorretara arte.

• 2020-21 Denboraldian 16 talde guztira, Beasainen 5 talde (Euskal Liga, Kadete A, Infantil B eta bi Alebin B + D) beste 5 Ordizian (Ohorezko seniorra, Kadete B, Infantil C eta bi Alebin C + E) Lazkaon beste 4 (Ohorezko Kadetea, bi Infantil A + D eta Alebin A) eta azkenik 2 talde Idiazabalen (Ohorezko infantila eta Futbol Eskola). Baina Martxotik aurrera entrenamenduak mantentzea zaila da eta liga guztiak bertan behera geratzen dira, Covid-19agatik Euskal liga baizik, bilera guztiak telematikoki egiten dira eta zuzendaritzak galdu egiten du teknikarien eta jokalarien arteko harremana, eta horrek zaila egiten da arazoei aurre egitea.

• 2021-22 Denboraldian, 15 taldearekin hasten da denboraldia, Kadete bat galdu da Covid-19aren ondorioz, eta zuzendaritzan ere aldaketan sortzen dira, aurreko denboraldia oso gorra izan zen. Baino Errealarekin dabiltza teknifikatzen: Sei Kadete (Marta Arregi, Libe Jauregi, Amaiur Mariezkurrena, Ainara Ugartemendia, Laida Sarasola eta Ainhoa Garmendia), bost Infantil (Irene de la Serna, Libe Lopez, Intza Arrondo, Nora Urkola, Libe Lasa, Amalur Eskisabel eta Naroa La Tienda) eta sei Alebin (Aiora Sarasola, Maitane Garro, Irune Merino, Intza Garcia, Garoa Urdangarin eta Ane Albisu).

• 2022-23 Denboraldian gaude eta berriro, 16 talderekin hasten da denboraldia, Beasainen 6 talde (Euskal Liga, Kadete B, bi Infantil A + B eta bi Alebin B + E), 4 talde Ordizian (Gorengoen mailako seniorra, Infantil D eta bi Alebin A + D) beste 4 talde Lazkaon (Ohorezko Kadetea, 1.Kadete C, Infantil C eta Alebin C) eta azkenik 2 talde Idiazabalen (Ohorezko infantila eta Futbol Eskola).

Goierriko neska bakar bat ere ez da proiektu honetatik kanpo geratu. Eskatu duten neska guztie talde bat aurkitu zaie.

Gaur egun Goierri-Gorriren taldeak Beasaingo Igartza, Idiazabalgo Arizkorreta, Lazkaoko Arizti Haundi eta Ordiziako Altamira (Anexo) zelaietan jokatzen dute.

Batasun honek Euskal Herri mailan emakumezkoen erreferentziako futbol kluba izatea ahalbidetzen digu. Eskualdean futbolean jokatu nahi duen orori ematen baitzaio futbolean jokatzeko aukera.

Eta hemen ez da historia bukatzen, historiak jarraitzen du…………….

Goierri-Gorri osatzen dugunok, gure esker ona adierazi nahi diegu hasieratik nesken futbolean eta proiektu honen alde egindako lan eta esfortzuagatik, denbora luzez aritu baitziren gaur Goierri-Gorri denera iristeko lanean.

Lazkaotik -> Joakin Garmendia (LKE Koordinatzailea), Xabier Muruamendiaraz (LKE Lehendakaria), Josina Lasa ( LKE – GGFK Lehendakaria), Antxon Rebollar (LKE-GGFK
Koordinatzailea), Txurdo Insausti , Nekane Eskisabel.

Beasaindik -> Koldo Zaldua (BKE Lehendakaria eta GGFK Koordinatzailea), Aitor Aldasoro, Iñigo Goikoetxea (GGFK Koordinatzailea), Iñigo Arrese (BKE Lehendakaria), Luis Garmendia, Nekane Mujika (GGFK Idazkaria) eta Javier Arregi.

Ordiziatik -> Casimiro Calvo, Juan Vicente Erauskin (OKE Lehendakaria), Peio Otegi, Ane Urteaga (GGFK Lendakari Ordezkoa), Ana Saldaña, Bittor Bolinaga, Mikel Alvarez.

Idiazabaletik -> Matias Aranburu (IKE Lehendakaria), Sergio Serrano (GGFK Koordinatzailea).

Bakarrik azkarrago, elkarrekin urrutiago.

Gora GOIERRI-GORRI!